Abaana ba Uganda - Mugerwa Umar

Omuwandiisi w'ekitabo kino ye Mugerwa Umar mutabani wa Kiziri.S. Lule e Lugazi - Ssingo, muzzukulu wa Ganaggwa, muzzukulu wa Kimunye, muzzukulu wa Kawagga era muzzukulu wa Kikulukuunyo.

Ava mu nju ya Ibrahim Bangooli, mu luggya Iwa Kiziri. S. Lule, mu lunyiriri Iwa Ssewankambo, mu mutuba gwa Kafeero Kiwendo e Masiko Bunjakko-Mawokota. Mu Ssiga lya Jjumba e Bunjakko, mu Kasolya Ka Mugema Jjajja w'Obuganda e Wambale Bbira, yeddira nkima.

Nnyina ye Nalweyiso. C. Tazzibwawo muwalo wa Y. Katende agalamidde Lugazi Ssingo - Mityana.

Azaalibwa Lugazi - Ssingo - Mityana. Yasomera Kigalama C/U Primary School, Naama S.S, Namagabi UMEA S.S, National Teachers' College -Mubende, Ndejje University ne Laikipia University, Nyahururu - Kenya (ΜΑ Applied Linguistics).

Yasomesaako mu Namagabi S.S, Yale High School e Natetta, Myanzi S.S, Kyotera Central S.S, Kyotera Parents School ne Masuulita S.S

Musomesa e Kibuli Secondary School ne Kawanda Secondary School.